نادرا  سندھی اردو تے انگریزی وچ شناختی کارݙ جاری کریندے۔   سرائیکی وچ    وی  شناختی  کارݙ جاری کرے

۔1. اسلام آباد تے کراچی وچ اردو یونی ورسٹی ھے پئی۔ہک سرائیکی میڈیم :سرائیکی یونیورسٹی برائے صحت انجینئرنگ تے سائنس آرٹس ٻݨاؤ جیندے کیمپس ہر وݙے شہر وچ ھوون۔

٢.۔ تعلیمی پالسی ݙو ھزار نو دے مطابق علاقائی زباناں لازمی مضمون ھوسن تے

ذریعہ تعلیم وی ھوسن۔ سرائیکی بارے عمل کرتے سرائیکی کوں سکولاں کالجاں وچ لازمی کیتا ونڄے تے ذریعہ تعلیم تے ذریعہ امتحان بݨاؤ۔

٣۔سرائیکی کوں قومی زبان تے سرکاری زبان  دا درجہ ݙیوو.۔

۔٤۔ نادرا سندھی وچ وی شناختی کارڈ جاری کریندے، سرائیکی وچ وی قومی شناختی کارڈ جاری کرے۔

٥۔ ھر ھر قومی اخبار سرائیکی سندھی تے اردو وچ شائع کیتا ونڄے۔کاغذ تے اشتہارات

 دا کوٹہ وی برابر ݙتا ونڄے۔

٦۔ پاکستان دے ہر سرکاری تے نجی ٹی وی چینل تے سرائیکی، سندھی، پشتو ، پنجابی،بلوچی تے اردو کوں ہر روز چار چار گھنٹے ݙتے ونڄن۔

٧۔سب نیشنل تے ملٹی نیشنل کمپنیاں سرائیکی زبان کوں تسلیم کرن تے ہر قسم دی کسٹومر سروس، تحریر تے تشہیر سرائیکی وچ وی کرن۔

٨۔۔سرائیکی ہر ملک وچ وسدن ایں سانگے سرائیکی ہک انٹر نیشنل زبان اے۔ سکولاں وچ عربی لازمی کائنی ، تاں ول انگریزی تے اردو دے لازمی ھووݨ دا کیا ڄواز اے؟۔

٩۔ دوائیاں تے سرائیکی وچ ناں ،فائدے تے طریقہ استعمال کائنی لکھے ھوندے۔ غلط استعمال نال کائی انسان مر وی ویندن۔ سرائیکی وسیب وچ اردو انگریزی دی شرح تعلیم ٻہوں گھٹ اے۔ لوک  قرآن تے قرآنی لکھائی نال مانوس ھن۔  سرائیکی الف بے نال لکھی ویندی اے۔ دوائیاں تے دوائی دا ناں فائدے تے ورتݨ دا ݙا سرائیکی زبان  وچ وی لکھیا کرو۔